Mańǵystaýdyń saýda ortalyqtaryndaǵy 700 kılogramdaı qaýipti taǵam satylymnan alynyp tastaldy
Tekserilgenderdiń ishinde otandyq óndirýshilerdiń taýary – 20%, sheteldik ónim 80%-dy quraıdy.
«Іriktelgen synamalardyń 8,2%-y keden odaǵynyń tehnıkalyq reglamentteriniń talaptaryna sáıkes emes. Otandyq ónimder boıynsha sáıkessizdik kórsetkishi – 16%, shetel ónimderiniń sáıkessizdigi - 84%. Sáıkessizdikterdiń basym bóligi tańbalaý kórsetkishteriniń buzýshylyǵyna qatysty, ıaǵnı ónim óndirýshiniń ataýy men ornalasqan jeri, shyǵarylǵan kúni, saqtaý merzimi, qaptamanyń sáıkessizdigi, memlekettik tildegi aqparat jáne KO-ǵa múshe memleketterdiń naryǵynda ónim aınalymynyń biryńǵaı belgisi kórsetilmegen«, - dedi Mańǵystaý oblystyq sanıtarııalyq-epıdemıologııalyq baqylaý departamentiniń bólim basshysy Jarashan Salamatova.
Sondaı-aq, sáıkessizdiktiń 1,2% - mıkrobıologııalyq kórsetkishterdiń, 10,3% - fızıkalyq-hımııalyq kórsetkishterdiń, 0,4% tutynýshylardy aldaý sáıkessizdigine tıesili bolsa, 1,5% ózge kórsetkishteri boıynsha, al 6,5% jaǵdaıda ónimderdiń saqtaý merzimi ótip ketken.
Anyqtalǵan faktiler boıynsha kásipkerlik sýbektilerine 57 uıǵarym berilgen. Jalpy somasy 275 670 teńge kóleminde aıyppul salynyp, 693,83 kılogramm qaýipti taǵam satylymnan alyndy.
Zerttelgen synamalardyń jalpy sanynan sáıkessizdikter et, qus jáne balyq, sút, maı, un, kondıterlik ónimderinde, mıneraldyq sýda, kókónisterde, jemisterde jáne óndiristik taýarlarda anyqtaldy.
