Mańǵystaýdyń Kendirli kýrorttyq aımaǵyna áýejaı salynýy múmkin
ASTANA. QazAqparat - Aqtaýda 2020 jylǵa deıin óńirlerdi damytý baǵdarlamasynyń sheńberinde Mańǵystaý oblysynyń ákimi Eraly Toǵjanov «South Caspian Operating Company» kompanııasynyń tóraǵalary Rao Esvara jáne Behara Sankar Bhagavathımen ózara yntymaqtastyq týraly memorandýmǵa qol qoıyldy, dep habarlaıdy ákimniń baspasóz qyzmeti.
«South Operating Company» kompanııasy Qazaqstan Respýblıkasynyń aýmaǵynda jobalaý, qurylys jáne óndirý jumystarymen aınalysady.
Taraptar Aqtaý jáne Atyraý qalalarynda qoldanystaǵy munaı-hımııa zaýyttarynda qosalqy qondyrǵylardy paıdalaný jáne olarǵa qyzmet kórsetý týraly shart jasasty.
Sheteldik kompanııa Mańǵystaý jerinde birqatar jobalardy júzege, atap aıtqanda Temir metaldan bolat armatýrasyn óndirý úshin táýligine 400 tonna qýattylyqty quraıtyn bolat balqytý zaýyty, Temir rýdadan jasalǵan bolat blankilerdi óndirý úshin táýligine 400-500 tonna qýaty bar metallýrgııalyq zaýyt, Іshki tutyný úshin bıdaıdan kúnine 400 metrlik tonna krahmal óndirý zaýyty, Turmystyq jáne ónerkásiptik tutyný úshin táýligine 500 - 50 000 tekshe metrdi quraıtyn tuzsyzdandyrý qondyrǵysy jáne basqa da jobalardy iske asyrýǵa ýaǵdalasty.
Sondaı-aq, taraptar óńirde 100-den 200 MVt deıin gaz elektr stantsııasy men Avtomobıl ónerkásibi úshin akkýmýlıatorlyq zaýytyn salý, Kendirli kýrorttyq aımaǵynyń jobasyn (áýejaıdyń, turǵyn alabynyń jáne týrıstik aımaqtyń qurylysy) júrgizý máselesin de talqylady.
«Bul baǵdarlamany júzege asyrýǵa jan-jaqty kómek kórsetýge eki jaqtyń da kúsh-jigerin salatynyna senimdimin», - dedi oblys ákimi Eraly Toǵjanov.
