Mańǵystaýdyń qaı salasynda jemqorlyq faktileri kóp
«Osy jyly ár túrli saladaǵy 92 qyzmetkerdiń qylmysy áshkerelengen. Onyń 10-y oblystyq deńgeıdegi basshylar. Al, 24-i ár túrli deńgeıdegi qyzmettegi mamandar. Sotqa 183 qylmystyq is joldanyp, 48-i sottaldy. Ashyp aıtsam, anyqtalǵan sybaılas jemqorlyq qylmystary ishinde 91-i para alý boıynsha, alaıaqtyq 54, bıýdjet qarjysyn jymqyrý faktisi boıynsha - 40, ókilettiligin asyra paıdalaný-23 is tirkeld»,-deıdi Sybaılas jemqorlyqqa qarsy is-qımyldar ulttyq bıýrosynyń Mańǵystaý oblysy boıynsha departamentiniń basshysy Eldos Saǵıev.
Oblysta jer qatynastary salasyndaǵy memlekettik qyzmetshiler para alý boıynsha kósh bastap tur. Máselen, 58 fakt osy sektorda tirkelgen. Ekinshi orynda memlekettik satyp alý boıynsha 29 is esepke alynǵan.
Eldos Saǵıevtiń aıtýynsha, áleýmettik qorǵaý jáne qamtý salasynda 22, turǵyn-úı kommýnaldy sharýashylyq salasynda 13 is tirkeldi. Mysaly, bilim salasynda jumysqa ornalasý úshin zańsyz qarjylaı syılyq alǵany úshin basshyǵa sottyń sheshimimen 1 mln 50 myń teńge aıyppul salynǵan.
Burynǵy aýyl sharýashylyǵy basqarmasynyń basshysy men ortalyq sý qubyry júıesiniń dırektoryna qarsy para alý fakisi boıynsha is qozǵalǵan. Olar qazynadan «Agrobıznes-2020» baǵdarlamasy aıasynda sýbsıdııa retinde bólingen qarajattan 50 mln teńge jymqyrdy degen aıyppen, 5 jáne 6 jylǵa bostandyǵyna shekteý qoıylǵan. Budan bólek, memlekettik qyzmetshiler tártip buzǵany úshinde jaýapqa tartylypty.
Sondaı-aq, áleýmettik jelidegi paraqshalarynda ádepke jat qylyq sýretterdi júktegen memlekettik qyzmetshilerge eskertýler jasaldy. Olardyń esimderi jıynda atalyp, sýretteri kórsetildi.