Mańǵystaýdyń qatań tártiptegi túzeý kolonııasynyń basshylary para aldy degen kúdikke ilindi
AQTAÝ. QazAqparat - QR ІІM Qylmystyq atqarý júıesi komıetetiniń Mańǵystaý oblysy boıynsha departamentiniń 4 qyzmetkeri 2 aıǵa qamaýǵa alyndy. Olarǵa syıbalas jemqorlyqqa jol berdi degen aıyp taǵylyp otyr, dep habarlaıdy QazAqparat.
Aıta ketetin másele, memlekettik mekeme - qatań tártiptegi túzeý kolonııasy. Ol Aqtaýdan 15 km qashyqtyqty ónerkásip aýmaǵynda ornalasqan.
«Mańǵystaý oblysynyń Aqtaý qalalyq soty osy is boıynsha barlyǵy 4 adamdy - kolonııa bastyǵy, onyń eki orynbasary men GM-172/6 mekemesiniń jedel bóliminiń bastyǵyna qatysty «qamaýǵa alý» jónindegi shara qoldanýdy sanktsııalady. Olarǵa QR QK 366 baby, 3 tarmaǵy, 1 tarmaqshasynda qarastyrylǵan para alý túrinde memlekettik qyzmet jáne memlekettik basqarý múddesine qarsy sybaılas jemqorlyq pen qylmystyq quqyqbuzýshylyqqa jol berdi degen kúdik keltirilip otyr»,-dedi Mańǵystaý oblystyq sotynyń baspasóz qyzmetiniń ókili Gaýhar Nurahanova.
Mańǵystaý oblystyq sybaılas jemqorlyqpen kúres qyzmetiniń ókilderi tarapynan sotqa deııingi tekserý jumystary júrip jatyr.
