14:42, 13 Qazan 2020 | GMT +5
Mańǵystaýdyń Qaraqııa aýdanynda ottegi stansasy salyndy
AQTAÝ. QazAqparat - Qaraqııa aýdanynyń Quryq aýylynda ottegi stansasy salyndy, dep habarlaıdy QazAqparat tilshisi Qaraqııa aýdandyq ákimdigine silteme jasap.

Aýdandyq ortalyq aýrýhana dırektory Gúlshara Begnııazovanyń aıtýynsha, merdiger mekeme aýrýhana janynan boı kótergen ottegi stansasynyń qurylysyn 10 kúnde aıaqtalǵan. Munda 5 bólimshe bar. Ár tósek orynǵa ottegi jetkizý qamtamasyz etildi. Onyń ishinde terapııa bólimshesine 14, hırýrgııa bólimshesine 8, balalar bólimshesine 8, bosandyrý bólimshesine 8, juqpaly aýrýlar bólimshesine 12 oryn ottegimen qamtamasyz etiledi.
«Sonymen qatar Jetibaı aýyldyq aýrýhanasynyń janynan da osyndaı ottegi gazdandyrý stansasynyń qurylysy bastaldy. Oblystyq densaýlyq saqtaý basqarmasynan bólingen qarajat esebinen salynǵan bul stansa indetke shaldyqqan, tynys alýy qıyndaǵan naýqastardy emdeýge baǵyttalady», - dedi Gúlshara Begnııazova.