Mańǵystaýdy qyzyl qasqyrlar jaılaǵany ras pa - komıtet jaýaby
«Kesheden beri birqatar BAQ-ta Mańǵystaý oblysy Túpqaraǵan aýdany Atash eldi mekeniniń turǵyndaryn QR Qyzyl Kitabyna engen «qyzyl qasqyrdyń» talaǵany týraly aqparat tarady. Resmı túrde bul jabaıy janýardyń qyzyl qasqyr emestigin habarlaımyz. Bul - qarapaıym jabaıy shıebóri», - dep habarlady Orman sharýashylyǵy jáne janýarlar dúnıesi komıtetiniń baspasóz hatshysy Sáken Dildahmet.
Komıtettiń habarlaýynsha, qyzyl qasqyrlar Qazaqstan aýmaǵynda kezdespeıdi. Sońǵy 50 jylda Qazaqstanda qyzyl qasqyrlar týraly aqparat bolmaǵan. Qyzyl qasqyrlar halyqaralyq tabıǵatty qorǵaý odaǵynyń jáne Qazaqstan Respýblıkasynyń Qyzyl Kitabyna engizilgen.
«Túpqaraǵan aýdanynyń halqy shıebórini «qyzyl qasqyr» dep jıi ataıdy. Shıóbórige talanǵan 3 azamattyń densaýlyǵy turaqty degen habar aldyq. Adamǵa nemese malǵa jabaıy ań shabýyl jasaǵanda, jergilikti veterınarııa qyzmetine habarlasý kerektigin eskertemiz. Qasqyr men shıebórini atýǵa Mańǵystaý oblystyq orman sharýashylyǵy jáne janýarlar dúnıesi ınspektsııasynan memlekettik qyzmet sheńberinde ruqsat alýǵa bolady», - delingen resmı habarlamada.
Foto: bilim-all.kz