Mańǵystaýdaǵy jol oqıǵasynan bir adam mert boldy
ASTANA. QazAqparat - Mańǵystaýda adam ólimine alyp kelgen jol-kólik oqıǵasy oryn aldy, dep habarlaıdy Lada .
11 mamyr kúni shamamen saǵat 11:00-de «Ózenmunaıgaz» munaı-gaz óndirý basqarmasyna baratyn jolda Toyota Hilux markaly avtokólik temir qorshaýdy buzyp ótip, joldan shyǵyp ketken. Saldarynan kólikte otyrǵan eki adamnyń biri oqıǵa ornynda kóz jumdy.
Al kólikte bolǵan ekinshi adam Jańaózen qalalyq emhanasyna jetkizildi. Medıtsınalyq kómek kórsetilgennen keıin ol úıine qaıtaryldy.
Oqıǵanyń mán-jaıyn quqyq qorǵaý organdary anyqtap jatyr.
