Mańǵystaýdaǵy jol apatynda tórt bala men áıel zardap shekti
ASTANA. QazAqparat - Mańǵystaý oblysyndaǵy jol apatynda tórt bala men áıel zardap shekti, dep habarlaıdy QazAqparat tumba.kz saıtyna silteme jasaı otyryp.
Jol-kólik oqıǵasy Munaıly aýdanynda búgin bolǵan. Eki avtomobıl qarama-qarsy kelip soqtyǵysqan. Zardap shekken 29 jastaǵy kelinshek oblystyq aýrýhanaǵa jetkizildi, onyń jaǵdaıy aýyr dep baǵalanýda.
Jergilikti quqyq qorǵaý organdarynyń habarlaýynsha, balalar da aýrýhanaǵa jetkizilgen. Alaıda olardyń jaǵdaılaryna qatysty málimet joq.
«Ár júrgizýshiniń jaýapkershiligin osy jol apatyn tergeýdi qolǵa alǵan mamandar belgileıdi», dep málim etti quqyq qorǵaý organdarynan.
