Mańǵystaýdaǵy jol apatynan júrgizýshi qaza tapty
ASTANA. QazAqparat - Toyota Camry men «Gazel» kólikteriniń soǵysýy saldarynan Toyota Camry júrgizýshisi oqıǵa ornynda qaza tapty. Bul týraly Mańǵystaý oblystyq ІІD baspasóz qyzmetine silteme jasap tumba.kz habarlady.
Jol apaty 29-nan 30 sáýirge qaraǵan túni Aqtaý-Fort Shevchenko tasjolynyń 109 shaqyrymynda bolǵan. Aldyn ala derekter boıynsha, japon markaly kóliginiń júrgizýshisi qarsy qozǵalystaǵy jolaqqa shyǵyp ketip, «Gazel» avtomobılimen soqtyǵysqan. Camry júrgizýshisi oqıǵa ornynda mert boldy.
«Apat saldarynan «Gazel» avtomobılinen órt shyǵyp, órt sóndirýshiler kelgenge deıin tolyǵymen janyp ketken. Onyń júrgizýshisi Túpqaraǵan aýdandyq aýrýhanasyna jetkizildi», - dep habarlady Mańǵystaý oblystyq ІІD baspasóz qyzmetinen.
