Mańǵystaýdaǵy týrızm: Jeke jaǵajaıy bar qonaq úıler turǵyzylady
ASTANA. QazAqparat - Mańǵystaý oblysynyń ákimdigi óńirdiń týrıstik áleýeti týraly derekterdi usynady, dep habarlaıdy QazAqparat.
2017 jyly Mańǵystaý týrısteriniń sany ótken jylmen salystyrǵanda 7% artyp, 205 904 adamǵa jetken. Jergilikti turǵyndar kórsetken qyzmet kólemi 5% artyp, 4,2 mlrd dollarǵa jetti. Endi týrızmniń jalpy óńirlik ónimdegi úlesi 1,2% quraıdy.
Aımaqta 78 ornalastyrý orny bolsa, onyń ishinde sertıfıkattalǵan 16 qonaq úı bar. Eki qonaq úı - «Renessans Merrıot» jáne «Holiday Inn» - iri halyqaralyq jeliler quramynda.
Aqtaýdaǵy jaǵajaı jelisin jaqsartýǵa jergilikti bılik ókilderi úlken úmit artyp otyr - eger ótken jyly jaǵajaıdyń abattandyrylǵan bóligi 1,5 shaqyrymdy qurasa, bıyl - 7 shaqyrymy abattandyrylǵan.
Oblystyq ákimdik pen Týrızm ındýstrııasy komıteti 2019 jyly oblys jaǵajaılaryn 100% abattandyrýdy josparlap otyr. Bul turǵyda «Soqpaq jol» jobasyna - qala men jaǵajaı aımaǵyn jalǵaıtyn tik jartastaǵy 2,2 shaqyrym jaıaý júrginshiler jolyna erekshe nazar aýdarylyp otyr. Sarapshylar bul bóliktiń qalany kóriktendirip qana qoımaı, týrızmniń damýyna da úlken paıda ákeletinin aıtýda.
Sonymen birge, áli de eńbektenýdi talap etetin tustar bar. Atap aıtqanda, Aqtaý jaǵalaýy boıynda 29 saýyqtyrý ortalyǵy bolsa, onyń úsheýi ǵana jaılylyq standarttaryna sáıkes keledi.
Qazaqstandyq bıznestiń týrızmdi damytý perspektıvalaryna senim bildirip, belsendi ınvestıtsııa sala bastaǵany da mańyzdy. Atap aıtqanda, munda 2017 jyly jalpy syıymdylyǵy 425 adam bolatyn «Flamıngo» balalar saýyqtyrý lageri qaıta qalpyna keltirildi. Onyń qurylysyna 1,5 mlrd teńge ınvestıtsııa salyndy, onyń 180 mln dollaryn «Damý» qory qarjylandyrǵan. Osynyń arqasynda ótken jyly lagerde 1920 bala demalǵan.
Odan bólek, 250 orynǵa arnalǵan «Nur» 5 juldyzdy medıtsınalyq-dıagnostıkalyq jáne saýyqtyrý kesheniniń qurylysy bastaldy. Jobanyń jalpy quny 2 mlrd teńgege baǵalanyp otyr. Nysan 2019 jyldyń ekinshi toqsanynda iske qosylady dep kútilýde. Jalpy, ótken jyly kásipkerler 8,8 mlrd teńge somaǵa 14 joba ınvestıtsııalaǵan. Bul 193 jańa jumys ornyn qurýǵa múmkindik berdi.
Kelesi jyly barlyq kórsetilgen aımaqty elektrmen jáne sýmen jabdyqtaý jelileriniń qurylysy bastalady - bul da aımaqtyń damýy úshin ınvestorlardy kóbirek tartýǵa múmkindik beredi. Daladaǵy basseıni men óz jaǵajaıy bar 50 bólmeli 3 juldyzdy qonaq úı kesheniniń de úlgilik jobasy ázirlendi. Mundaı keshenniń quny ázirge 700-800 mln teńgege baǵalanyp otyr, bıyl dál osyndaı eki qonaqúıdiń qurylysyn bastaý josparlanyp otyr.
2023 jylǵa deıin Mańǵystaýdyń týrızm ınfraqurylymyn damytýǵa 18,5 mlrd teńge bólý josparlanyp otyr jáne 32 jańa qonaq úı men demalys ortalyqtarynyń qurylysy úshin 20 mlrd teńgege jeke ınvestıtsııa tartý josparlanǵan. Bul qonaq úı nómirleriniń qoryn 2 857-den 4 777-ge deıin ulǵaıtady jáne oblysqa 600 myńǵa jýyq týrıst tartyp, kórsetiletin qyzmetter kórsetkishin 280 mlrd teńgege deıin jetkizedi.
