Mańǵystaýdaǵy shańdy daýyl poıyz jyldamdyǵyna áser etti

MAŃǴYSTAÝ OBLYSY. QazAqparat – Shańdy daýyl Beıneý-Mańǵystaý aýmaǵyndaǵy poıyzdardyń jyldamdyǵy saǵatyna 25 shaqyrymǵa shekteldi. Bul týraly QazAqparat «Qazaqstan temir jolǵa» silteme jasap habarlaıdy.

Osy sebepti Aqtóbe-Mańǵystaý baǵytyndaǵy №110 poıyz Mańǵystaý stantsııasyna 42 mınýtqa keshigip jetti.

Ótken táýlikte atalǵan ýchaskedegi joldy qumnan taraztýǵa 2 arnaıy jabdyqtalǵan jol tehnıkasymen 30 adam jumyldyrylyp, 3 shaqyrym jol qalpyna keltirildi.

Eske salsaq, keshe Mańǵystaý óńirinde shańdy daýyl soǵyp, kórýdiń qıyndaýyna baılanysty jol qozǵalysyna shekteý qoıyldy.