Mańǵystaýdaǵy Munaıly aýdanynda KVI-ge qarsy qosymsha 2 egý pýnkti ashyldy
Bul týraly Munaıly aýdandyq ortalyq aýrýhana basshysynyń mindetin atqarýshy Janar Dosjanova málim etti.
Onyń aıtýynsha, osy ýaqytqa deıin Munaıly aýdanynda koronavırýsqa qarsy 2 egý bólmesi jumys istep kelgen edi. Endi olardyń qataryna qosymsha taǵy qos pýnkt qosyldy. Jańadan ashylǵan egý bólmeleri Mańǵystaý aýylyndaǵy Farıza Ońǵarsynova atyndaǵy ortalyq mádenıet úıinde jáne Basqudyq aýyldyq okrýgindegi «Muhambet» medıtsına ortalyǵynda ornalasqan.
«Egý pýnktteri tańǵy 8:00-den keshki 17:00 aralyǵynda jumys isteıdi. Turǵyndarǵa qolaıly bolý úshin Basqudyq aýyldyq okrýginde ornalasqan bastapqy medıtsınalyq sanıtarlyq kómek kórsetý ortalyǵyndaǵy egý bólmesiniń jumysyn uzarttyq. ıAǵnı 17:00-23:00 aralyǵynda júrgizý úshin jumys júrgizip jatyrmyz. Oraza ustaǵan jandar aýyz ashardan keıin de koronavırýsqa qarsy ekpe alýǵa múmkindik bolady. Búgingi kúnge deıin 2 myńǵa jýyq Munaıly aýdanynyń turǵyny koronavırýsqa qarsy ekpe alǵan», - dedi Janar Dosjanova.
Aıta keteıik, búginde 22 myńnan astam mańǵystaýlyq koronavırýsqa qarsy ekpe aldy. Oblysta 32 egý pýnkti jumys isteıdi, onyń 5-i jyljymaly.