Mańǵystaýdaǵy mektepter beınebaqylaý júıesimen tolyq qamtylǵan ba
Bul týraly Qoǵamdyq kommýnıkatsııa ortalyǵynda ótken brıfıngide Mańǵystaý oblysy bilim basqarmasynyń basshysy Svetlana Tólebaeva málim etti.
«Búginde 50 qalalyq mekteptiń beınebaqylaý júıeleri oblystyq Polıtsııa departamentiniń jedel basqarý ortalyǵyna, al 38 aýyldyq mektepteri jergilikti polıtsııa basqarmasynyń kúzet bólimshelerine qosyldy. Atalǵan sharalar Aqtaý qalasynyń 26 mektebine, Jańaózenniń 24 mektebine, Mańǵystaý aýdanyndaǵy 22 mektepke jáne Munaıly aýdanynyń 16 mektebine júrgizildi»,- dedi basqarma basshysy.
Jalpy Mańǵystaý oblysy boıynsha 143 memlekettik mektep jumys isteıdi. Bul qaýipsizdik sharalardy aýdan mektepterinde kezeń-kezeńimen júzege asyrý josparlanyp otyr.
«Oblystaǵy 143 memlekettik mekteptiń barlyǵynda beınebaqylaý júrgiziledi. Qosymsha beınekameralar satyp alynyp jatyr. Talaptarǵa sáıkes, mektepterdegi analogtyq kameralar tsıfrlik kameralarǵa aýystyrylýda»,-dedi Svetlana Tólebaeva.
Atalǵan sharalar QR Bilim jáne ǵylym, Іshki ister jáne Tótenshe jaǵdaılar mınıstirlikteriniń birlesken «Barlyq deńgeıdegi bilim berý uıymdarynda bilim alýshylardyń qaýipsizdigin qamtamasyz etý jónindegi 2021 - 2022 jyldarǵa arnalǵan birlesken jol kartasy» aıasynda iske asyrylyp jatyr.
