Mańǵystaýdaǵy medıtsınalyq mekemelerge jańa jedel járdem avtokólikteri berildi

AQTAÝ. QazAqparat - Mańǵystaý oblysynyń medıtsınalyq mekemelerine jańa jedel járdem kólikteri berildi. Bul týraly oblystyń Densaýlyq sqataý basqarmasynyń baspasóz qyzmeti málim etti, dep habarlaıdy QazAqparat.

«Samuryq-Qazyna» AQ men QR Densaýlyq saqtaý mınıstrligi arasyndaǵy Yntymaqtastyq týraly memorandým aıasynda kómek kórsetildi. Nátıjesinde, óńirge 10 ottegi kontsentratory jáne 40 pýlsoksımetr jetkizildi. Sondaı-aq, oblysqa «Shevrolet Damas» markaly 4 jedel járdem kóligi berildi.

«Biz aımaqtaǵy medıtsınalyq mekemelerdi qoldap jatqan barlyq uıymdar men el qamyn oılaǵan jandarǵa alǵys aıtamyz. Karantınniń alǵashqy kezinde qıyndyqtarǵa tap boldyq. Qazirde biz ekinshi tolqynǵa daıyndalyp jatyrmyz. Bizdiń yntymaqtastyǵymyz óz jalǵasyn tabatynyna senimdimin», - dedi Mańǵystaý oblysynyń Densaýlyq saqtaý basqarmasy basshysynyń orynbasary Sáken Myrzaqulov.