Mańǵystaýdaǵy kent, aýyl ákimderiniń saılaýyn «Partııalyq emes baıqaý ortalyǵy» baqylaıdy

AQTAÝ. QazAqparat - Mańǵystaý oblysynda «Partııalyq emes baıqaý ortalyǵy» óz jumysyn jalǵastyrýda, onyń qyzmeti saılaýdy, onyń ishinde saılaý ýchaskelerinde baıqaý men monıtorıng júrgizý arqyly saılaý protsesine júıeli túrde qatysýǵa baǵyttalǵan, dep habarlaıdy QazAqparat.

Respýblıkalyq qoǵamdyq uıymnyń barlyq oblystarda fılıaldary bar jáne memlekettik deńgeıdegi saılaý kezeńinde saıası, ekonomıkalyq, áleýmettik jáne mádenı quqyqtar men bostandyqtardy iske asyrýǵa jáne qorǵaýǵa óz nıetin bildiredi.

«Partııalyq emes baıqaý ortalyǵy» respýblıkalyq qoǵamdyq birlestiginiń Mańǵystaý oblystyq fılıaly tóraǵasynyń mindetin atqarýshy Baǵlan Keńbeıilovtiń aıtýynsha uıym aldaǵy aýdandyq mańyzy bar qalalardyń, aýyldardyń, kentterdiń, aýyldyq okrýgterdiń ákimderiniń saılaýyna belsendi qatysady.

Qazirgi ýaqytta ortalyq óziniń baıqaýshylaryn oqytyp jatyr.

«Aýyldyq okrýg ákimderiniń tikeleı saılaýy – bul saıası modernızatsııanyń múldem jańa kezeńin belgileıtin óte mańyzdy oqıǵa. Saılaý protsesiniń zańdylyǵy men ashyqtyǵyn baıqaý úshin bizde saılaýdy baıqaý salasynda úlken tájirıbesi bar komanda qurylady. Biz ashyq jáne táýelsiz saılaýdy qamtamasyz etýge ortaq kúsh - jigerimizben eleýli úles qosamyz dep oılaımyn», - dep atap ótti Baǵlan Keńbeıilov.

Esterińizge sala keteıik, 25 shilde kúni Mańǵystaý oblysynda 10 aýyl ákimi saılanady. Aýdandyq mańyzy bar qalalardyń, aýyldardyń, kentterdiń, aýyldyq okrýgterdiń qalǵan ákimderin saılaý olardyń ókilettik merzimi aıaqtalǵannan keıin ótkiziledi.