Mańǵystaýdaǵy ken orynnan kóne qulpytas tabyldy

AQTAÝ. QazAqparat - Aqtaý mańyndaǵy ken orynnan munaıshylar kóne qulpytas taýyp aldy, dep habarlaıdy QazAqparat tilshisi.

Qulpytasty Mańǵystaý oblysy Túpqaraǵan aýdanynyń aýmaǵynda ornalasqan Dońǵa ken ornynyń jumysshylary kezdestirgen. Olar jumys kezinde tap bolǵan.

«Qulpytasty Mańǵystaý oblysy Túpqaraǵan aýdanynyń aýmaǵynda ornalasqan Dońǵa kenornynan taýyp aldyq. Bul qabir bizdiń arheologtardyń zertteýlerine paıdaǵa asady dep úmittenemiz», - dep otyr jumysshylar.

Eski qulpytas Aqtaý-Fort-Shevchenko avtojol boıynda ornalasqan.

«Qulpytas tabylǵan Dońǵa ken ornyna arnaıy mamandar bardy. Kóne zat turǵan aýmaqtyń jan-jaǵy qazylyp qalǵandyqtan qulpytas ornynan yǵysyp ketken sııaqty. Qulpytastyń naqty qaı ǵasyrǵa jatatynyn bilmeımiz. Arabsha jazýy bar. Ony arab tilin biletin mamandarǵa oqytamyz. Bul jerge taǵy da zertteý jumystary júrgiziledi»,- dedi Mańǵystaý oblystyq Mádenıet, arhıvter jáne qujattama basqarmasy Tarıhı- mádenı mura bóliminiń basshysy Rasýl Alıev.