Mańǵystaýdaǵy ken ornynda órt shyqty

AQTAÝ. QazAqparat – 9 maýsymda saǵat 09:00-de Mańǵystaý oblysy Tótenshe jaǵdaılar departamentiniń daǵdarys jaǵdaılary basqarmasyna «Bozashy Munaı» JShS «Qaraturyn ıÝjnyı» munaı-gaz ken ornyndaǵy órt oqıǵasy týraly aqparat kelip túsken. Bul týraly Mańǵystaý oblystyq Tótenshe jaǵdaılar departamentiniń baspasóz qyzmetinen málim etti, dep habarlaıdy QazAqparat tilshisi.

«Órt 1088 metr tereńdikten burǵylaý quralynyń kóterilýi nátıjesinde paıda bolǵan. № 303 uńǵymadaǵy ashyq gaz sýburqaǵynda gaz-sý qospasynyń shyǵarylýy órttiń paıda bolýyna tikeleı áser etken», – delingen baspasóz málimetinde.

Órtten zardap shekkender joq.

Dabyl kelip túsken kezde órtti sóndirý úshin joǵary dárejeli tehnıka men quraldar tartý týraly sheshim qabyldanǵan. Uńǵymadaǵy órtti sóndirý úshin jeke quramnan 56 órt sóndirýshi, 12 órt sóndirý tehnıkasy jáne apattar medıtsınasy ortalyǵynyń bir kóligi jumyldyrylǵan.