Mańǵystaýdaǵy ken ornynda oqys oqıǵa boldy
ASTANA. QazAqparat - Qalamqas ken ornyndaǵy uńǵymalardyń birinde gazdy-sý qospasy atqylady. Bul týraly Mańǵystaý oblysy ekologııa departamenti basshysynyń mindetin atqarýshy Rýslan Túkenov aıtyp berdi, dep habarlaıdy QazAqparat Lada.kz-ke silteme jasap.
Mańǵystaýdyń ekologtary oqıǵany tekserip jatyr. Rýslan Túkenovtiń sózine qaraǵanda, oqys oqıǵa 15 naýryz kúni keshkisin Qalamqas ken ornyndaǵy uńǵymalardyń birinde bolǵan. Ken ornyn «Mańǵystaýmunaıgaz» AQ paıdalanady. Uńǵymany «Sıbý munaı kompanııasy» JShS merdiger kompanııasy burǵylaıdy.
«Aldyn ala málimetke qaraǵanda, burǵylaý kezinde sý atqylap shyqqan kórinedi. Tekseris kezinde apattyń egjeı-tegjeıi aıqyndalyp, qorshaǵan ortaǵa keltirilgen zalal anyqtalady. Nátıjesi keıinirek habarlanady», - dedi ol.
