Mańǵystaýdaǵy kásiporynda jumysshy órtenip ketti

AQTAÝ. QazAqparat - 15 maýsym kúni saǵat 00:50-de Mańǵystaý oblysynyń Qaraqııan aýdanynda, Jańaózen qalasynan 40 shaqyrym jerde, «ÓzenMunaıGaz» AQ-da NGDÝ-2 aýmaǵyndaǵy APRS-40 kótergish qondyrǵysy men №49 toptyq bólimshe órtendi, dep habarlaıdy QazAqparat tilshisi.

Mańǵystaý oblysy tótenshe jaǵdaılar departamentiniń málimetinshe, órt 01:51-de sóndirildi. Oǵan 8 qyzmetker, 2 tehnıka Memlekettik emes órtke qarsy qyzmetten 4 maman men 14 tehnıka tartyldy.

Oqıǵa ornynan kúıip ketken máıit tabylǵan. Órttiń mán-jaıy men sebebi anyqtalýda.