Mańǵystaýdaǵy Qarakól kólinde aqqýlar qyryldy

AQTAÝ. QazAqparat – Mańǵystaýda Qarakól jaǵalaýynan óli aqqýlar tabyldy, dep habarlaıdy QazAqparat tilshisi.

Vıdeony mańǵystaýlyq bloger Azamat Sársenbaev Qarakól kóliniń mańynda túsirgen.

«Bul jaǵdaı alańdatady. Qarakól kóliniń jaǵalaýynda júzdegen qustardyń óleksesi jatyr» deıdi ol.

Bloger kólde aqqýdan basqa qustardyń óleksesin kezdestirmegen.

QazAqparat bul másele boıynsha quzyrly organdarǵa júgindi.

Mańǵystaý orman sharýashylyǵy jáne janýarlar dúnıesi ınspektsııasynyń basshysy Ǵabbas Dosatovtyń aıtýynsha, qazir mamandar aqqýlardyń qyrylý sebebin anyqtap jatyr.

«Ústirt memlekettik tabıǵı qoryǵy, oblystyq veterınarııa ortalyǵynyń qyzmetkerleri men ekologtar oqıǵa ornynda jumysty bastap ketti», - deıdi ol.

Vıdeodan alynǵan kadr