Mańǵystaýdaǵy Qalamqas ken ornynda apattyń beti qaıtaryldy

ASTANA. QazAqparat - Mańǵystaý oblysy Túpqaraǵan aýdanyndaǵy «Mańǵystaýmunaıgaz» AQ-nyń Qalamqas ken ornyndaǵy uńǵymalardyń birinde apatty jaǵdaı oryn aldy.

Mańǵystaý oblystyq TJD-niń baspasóz qyzmetiniń habarlaýynsha, 20 aqpan kúni saǵat 10:25-te «Mańǵystaýmunaıgaz» AQ-nyń dıspetcherinen «Qalamqas» ken ornyndaǵy №5759 uńǵymada jerasty jóndeý jumystaryn júrgizý kezinde uńǵymany jabýǵa arnalǵan jabdyqtyń syrtyndaǵy kelte qubyrda qarqyndy gaz-sý aǵyny oryn alǵany týraly habarlama kelip túsken. Eshkim zardap shekpegen. Adamdardy qaýipsiz jerge shyǵarý jumystary júrgizilgen joq.

«Oqıǵa ornyna 14 kásibı qutqarýshydan quralǵan jedel atqyma uńǵymaǵa qarsy top pen Mańǵystaý oblystyq TJD-niń jedel toby shyqty», - dep málim etti Mańǵystaý oblystyq TJD baspasóz qyzmetiniń ókili Gúlnár Qojabekova.

Onyń aıtýynsha, nysannyń tehnologııalyq protsesi toqtatylǵan joq. Apat saǵat 17:20-da joıyldy. Shtabtyń sheshimi boıynsha, odan keıingi tehnologııalyq jumystaryn (uńǵymany óshirý) «MMG» AQ ókilderiniń tikeleı baqylaýymen «OSK» JShS-niń mamandary júrgizdi, dep habarlaıdy lada.kz.