Mańǵystaýdaǵy fermerlerdiń kredıt tólemin uzartý máselesi qaralmaq
Jergilikti deńgeıde azyqpen qamtamasyz etý boıynsha qabyldanyp jatqan sharalarmen tanysty.
Fermerlermen kezdesý barysynda ol Mańǵystaý oblysyndaǵy qatty qurǵaqshylyqtan zardap shekken agrarshylarǵa kómek kórsetý úshin Úkimet pen aýyl sharýashylyǵy mınıstrligi qabyldap jatqan jedel sharalar týraly habarlady.
Ol jarııalaǵan aqparat boıynsha, 2021 jylǵy 12 shildedegi № 482 qaýlysymen aýyl sharýashylyǵy janýarlarynyń qystaýy úshin azyq qunyn arzandatýǵa Úkimet rezervinen 1,9 mlrd.teńge bólindi. Bul qoldaýdy úı jáne sharýa qojalyqtarynyń ıeleri alady.
Azyq-túlik korporatsııasy arqyly Mańǵystaý oblysy úshin quny naryqtyq baǵadan 17% - ǵa tómen 637 tonna arpa satyldy,. Onyń ishinde 211 tonnasy úı sharýashylyqtaryna satyldy. Óńirge qosymsha kelesi apta ishinde 573 tonna arpa jetkiziletin bolady.
Sondaı-aq orman sharýashylyǵy, rezervattar aýmaqtarynda mal jaıý jáne shóp shabý máselesi pysyqtaldy.
Elden azyq shyǵarýǵa tyıym salý boıynsha sharalar qabyldanatyn bolady. Jemshóp daıyndaý úshin arzandatylǵan JJM kólemderin qaıta bólý máselesi de qosymsha qarastyrylýda.
«Azyq-túlikpen qamtamasyz etý jáne jedel áreket etý máselelerin sheshýdi úılestirý úshin, AShM janynan Respýblıkalyq jedel shtab quryldy. Onyń quramyna oblystar men aýdandar ákimderiniń orynbasarlary, «Báıterek» holdıngi men Azyq-túlik korporatsııasynyń qarjylandyrýshy uıymdarynyń basshylary kirdi. Oblys ákimdikteri aldaǵy qystaýǵa arnalǵan jem daıyndaý josparyn aıqyndap, olardy oryndaý boıynsha apta saıynǵy monıtorıngtik jumystardy uıymdastyrdy«, - dep tolyqtyrdy E.Qarashókeev.
Sapar qorytyndysy boıynsha aýyl sharýashylyǵy mınıstriniń mindetin atqarýshy oblys ákimi Serikbaı Trumovpen kezdesip, óńirdiń aýyl sharýashylyǵyn damytý máseleleri jónindegi keńeske qatysty, onyń barysynda óńirdegi sharýashylyqty jem-shóppen qamtamasyz etý jónindegi júıeli sheshimderdi iske asyrýdy usyndy.
Týyndaǵan qolaısyz jaǵdaıdy sheshý úshin ol oblys ákimdikterine mal sharýashylyǵyn damytýdy sýbsıdııalaý qaǵıdalaryna sáıkes jemshópti forvardtyq satyp alý jáne jemshóp qunyn arzandatý úshin jergilikti bıýdjetterden qosymsha qarajat qarastyrýdy, sondaı-aq iri munaı jáne qurylys kompanııalarynyń tehnıkasyn Batys Qazaqstan jáne Aqtóbe oblystarynan azyq jetkizýge jumyldyrýdy usyndy.
Mal sharýashylyǵyn qoldaý úshin, óńirde fermerlerdiń kredıtter boıynsha tólemderin uzartý máselesi qaralatyn bolady.
«Ákimdikpen birlesip jem-shóp óndirisin damytý jáne jaıylymdardy jaqsartý boıynsha júıeli sharalar qabyldaıtyn bolamyz. Munda barlyq ıesiz jatqan qudyqtar men uńǵymalardy túgendeý, sý bógetterin salý jáne ǵalymdarmen birlese otyryp qurǵaq daqyldardy ósirý qajet. Eń bastysy, synı jaǵdaılar týyndaǵan kezde ýaqtyly sheshim qabyldaý kerek, óıtkeni bul táýekelder boljanyp otyr», - dep atap ótti Qarashókeev.
Sondaı-aq, ol aýyl sharýashylyǵy mınıstrligi árdaıym ashyq ekenin jáne óńirlerdiń usynystaryn Úkimet deńgeıine qaraýǵa shyǵarýǵa daıyn ekenin aıtty.
Eske salsaq, buǵan deıin Mańǵystaýda qýańshylyqqa baılanysty tótenshe jaǵdaı jarııalanbaıtyndyǵy týraly habarlandy.
