Mańǵystaýdaǵy demalys oryndarynyń birinde 5 jasar bala sýǵa ketti
AQTAÝ. QazAqparat - Mańǵystaý oblysynyń Qaraqııa aýdanyna qarasty Kendirli demalys aımaǵynyń birinde 5 jasar bala basseındegi sýǵa batyp ketken, dep habarlaıdy QazAqparat tilshisi óńirlik Tótenshe jaǵdaılar departamenttiń baspasóz qyzmetine silteme jasap.
Qazir qaıǵyly oqıǵanyń mán-jaıy tekserilip jatyr. Bastapqy boljam boıynsha bala sol ýaqytta ata-anasynyń qaraýynsyz qalǵan.
Qutqarýshylar sýǵa túsý kezinde abaı bolyp, qarapaıym qaýipsizdik sharalaryn saqtap, tyıym salynǵan aýmaqta sýǵa shomylmaýǵa keńes beredi. Ásirese, kishkentaı balany sý qoımasy janynda qaraýsyz qaldyrmaýdy eskertedi. Sebebi, 12 jasqa deıingi búldirishinderge teńizge nemese basseınge óz betinshe túsýge bolmaıdy.
Eske sala keteıik, osyǵan deıin 27 jastaǵy qala turǵyny teńizge batyp ketken edi.
