Mańǵystaýdaǵy Basqudyq aýylynda 2 mekteptiń qurylysy bastaldy

AQTAÝ. QazAqparat - Munaıly aýdanynyń Basqudyq aýylynda 2 mekteptiń qurylysy bastaldy, dep habarlaıdy QazAqparat tilshisi.
None
None

Basqudyq aýyldyq okrýgi ákiminiń mindetin atqarýshy Salamat Ildjanov málimetinshe mekteptiń biri - 1200, al ekinshisi - 600 oryndyq. Basqudyqta halyq sanynyń kóp bolýyna baılanysty bilim oshaǵy azdyq etýde. Sondyqtan Basqudyqta turatyn 864 bala aýdan ortalyǵyndaǵy mektepke qatynap oqıdy.

«Salynyp jatqan 2 mekteptiń qurylysy aıaqtalsa, eń aldymen ishki tasymal máselesin sheshemiz. Mektep qurylysy aýylymyzdyń eń shetki núkteleri sanalatyn «Alaý», «Jańaqonys» turǵyn úı massıvteriniń aýmaǵynda júrip jatyr. «Alaý» turǵyn úı massıvindegi 1200 oryndyq mekteptiń syrtqy qorshaý jumysy tolyq aıaqtaldy. Qurylysqa berilgen jalpy jer kólemi 7 gektar, al mektep 7600 sharshy metrdi quraıdy. Qazir merdiger mekeme mekteptiń irgetasyn quıý úshin negizin daıyndap jatyr», - dedi Salamat Ildjanov.

Aýyl ákiminiń málimdeýinshe, 2 mekteptiń qurylysyna respýblıkalyq bıýdjetten qarjy bólinedi. Jospar boıynsha qurylys eki jyldyń ishinde aıaqtalýy tıis.


Сейчас читают