Mańǵystaýdaǵy aýylda dala jáne orman órtimen kúresetin jańa beket ashyldy
AQTAÝ. QazAqparat - Órtke qarsy qyzmet bólimshesi joq Mańǵystaý aýdanyndaǵy Saı - Ótes aýylynda dala men orman órtterin sóndirýge arnalǵan jańa órt sóndirý beketi ashyldy, dep habarlaıdy QazAqparat Tótenshe jaǵdaılar komıtetine silteme jasap.
Mańǵystaý aýdandyq TJ basqarmasy bastyǵynyń mindetin atqarýshy Joldybek Bısenbekov mobıldi bekettiń fýnktsıonaldyq ereksheligimen tanystyrdy.
«Órt sóndirý beketinde sapalaq jáne órt-tehnıkalyq qural-jabdyqtar bar. Osyndaı quraldar kómegimen shaǵyn alańdarda tıimdi ári júıeli túrde órt sóndire bastaýǵa bolady. Osy aralyqta órtke qarsy qyzmet te kómekke kelip úlgeredi. Aldaǵy ýaqytta aýyldyq okrýgterdegi erikti jasaqpen birlesip, tehnıkalyq qural-jabdyqtardy paıdalana otyryp shaǵyn órt oshaǵyn sóndirý jóninde sabaq ótkizemiz. Bolashaqta osy jerge jıi keletin bolamyz», - dedi J. Bısenbekov.
Ol órtke qarsy qyzmet bólimshelerinen edáýir qashyqtyqta ornalasqan aýylda aptap ystyqta jáne jeldi kúnderi dala órti shyqqan kezde onymen kúresý úshin erikti jasaqtyń kómegi erekshe baǵaly ekendigin jetkizdi
