Mańǵystaýdaǵy aýyl balasy matematıkalyq esepti tez ári ońaı sheshetin joba oılap tapty
Mekteptiń qoǵamdyq sharalaryna belsene qatysyp júrgen Azamat Toqsanbaı ozat oqýshylar qatarynda. Matematıka pánine degen qyzyǵýshylyǵynyń arqasynda sandardy qosyp azaıtýǵa, kóbeıtip bólýge baǵyttalǵan tyń jobany jasaǵan.
«Bul jobaǵa degen qyzyǵýshylyǵym eń alǵash atam ekeýmizdiń jasaǵan qurylǵymyzdan paıda boldy. Mektepte matematıkalyq esepterdi ońaı, ári tez meńgertetin erekshe ıdeıa týdy. Máselen, «kóńildi sandar» dep atalatyn damytý oıyny túrli-tústi qaǵazdar, qaryndash pen qaıshynyń kómegi arqyly qurylady. Osy arqyly qosý, azaıtý, kóbeıtý, bólý amaldaryn aýyzsha jyldam esepteýge múmkindik beredi. Bul telefondaǵy oıyndardan artyq. Balanyń oılaý qabiletin damytady. Ol mıdyń damýyna paıdaly. Bul quraldy sabaqtan tys ýaqytta da ár oqýshy óz betinshe qoldanyp, esepteýge bolady»,- dedi Azamat Toqsanbaı.
Bolashaǵynan úmit kúttirgen Azamat «Tyń jobalardy damytý» boıynsha jarystan aýdan kóleminde І oryndy ıelenip, oblysqa joldama aldy. Synyp jetekshisiniń aıtýynsha, onyń oılap tapqan óneri joǵary suranysqa ıe. Sebebi jas ǵalymnyń jobasyna Shymkent qalasyndaǵy plastmassalyq oıynshyq zaýyty qyzyǵýshylyǵyn tanytyp otyr. Endi, jas ǵalym oılap tapqan jobasy óz qatarlastarynyń oqý úlgeriminiń artýyna septigin tıgizbek.
