Mańǵystaýda jyljymaly egý pýnkteri ashyldy

AQTAÝ. QazAqparat - Aqtaý qalasynda 34 shaǵyn aýdanda ornalasqan «Dostyq» úıinde №2 Aqtaý qalalyq emhananyń jyljymaly egý pýnkti ashyldy, dep habarlaıdy QazAqparat tilshisi.

Jalpy Mańǵystaý oblysynda 47 jyljymaly egke egý pýnktin ashý josparlanǵan.

№2 Aqtaý qalalyq emhanasynyń epıdemıolog dárigeri Ardaq Ibrasheva aıtýynsha, 34 shaǵynaýdandaǵy «Dostyq» úıinde ashylǵan egý kabıneti kún saıyn saǵat 8-30 dan keshki 18-00 ge deıin jumys isteıdi. 12-30: 14-00 aralyǵynda túski úzilis.

«№2 Aqtaý qalalyq emhanasy «Dostyq úıiniń» ǵımaratynda egý kabınetin jabdyqtap ashty. Búgin biz birinshi komponentten 100 doza vaktsına alyp keldik. Ekpe alý aldynda dáriger tolyqtaı tekserý jasaıdy. Medıtsınalyq qarsy kórsetýler bolmaǵan jaǵdaıda erikti túrde ekpe alýǵa kelgen adamǵa vaktsına egiledi. Ekpe tegin túrde salynady. Qazirgi tańda salynyp jatqan vaktsına Reseıden ákelingen SPÝTNIK-V. Osy jerge kez-kelgen adam kelip ekpe alýyna bolady»,- dep atap ótti Ardaq Erbolqyzy.

Atalǵan egý pýnktine ekpe alý úshin kelgen Aqtaý qalasynyń turǵyny vaktsınany óz densaýlyǵyn saqtaý maqsatynda erikti túrde saldyrýǵa kelgenin aıtty.

«Óziniń jáne otbasy músheleriniń densaýlyǵy úshin kez-kelgen adam ekpe saldyrý arqyly indetten qorǵana alatynyn eskertip, qala turǵyndaryn juqpaly vırýstan qorǵaný joldaryn sanaly túrde durys tańdaý kerek dep oılaımyn»,- dedi qala turǵyny .

17 shaǵynaýdanda ornalasqan «ıAsın» medıtsına ortalyǵyndaǵy egý pýnktinde ekpe saldyrýǵa kelgen halyqtyń qarasy qalyń.

«Biz qala turǵyndaryna ekpe salýdy keshegi kúnnen bastadyq. Turǵylyqty jerine qaramastan ekpe saldyrýǵa kelgen kez-kelgen adamǵa dárigerdiń arnaıy tekserisinen jáne saýalnamadan ótip,qarsy kórsetýleri bolmaǵan jaǵdaıda vaktsına salynýda. Vaktsına pýnkti tańerteńgi 8-00 den keshki 18-00 ge deıin ashyq, túski úzilissiz jáne senbi, jeksenbi kúnderi 9-00 den 15-00 ge deıin jumys isteıdi. Ashylǵaly 45 adam egildi. Bizdiń emdeý ortalyǵyna 200 doza vaktsına bólindi. Qala turǵyndary belsendi túrde ekpe alýda jáne ózimizdiń qyzmetkerler vaktsına qabyldap jatyr»,- dedi «ıAsın» medıtsına ortalyǵynyń profılaktıka bólimshesiniń meńgerýshisi Tatıana Haııtova.

«ıAsın»medıtsınalyq ortalyǵy aldaǵy kúnderi halyq kóp shoǵyrlanatyn 16 shaǵynaýdandaǵy «Aqtaý» OSO jáne 19a shaǵynaýdanda ornalasqan Á.Kekilbaev atyndaǵy oblystyq ólketaný murajaıy ǵımaratynda egý pýnktterin uıymdastyryp jáne «KazAzot» mekemesine baryp, óndiristegi qyzmetkerlerdiń erikti túrde ekpe alýǵa nıet bildirgenderine ekpe salýdy josparlap otyr.