Mańǵystaýda jylyna 143 mln jumyrtqa óndiretin qus fabrıkasy salynady
Bul týraly ortalyq kommýnıkatsııalar ortalyǵynda ótken brıfıngte Mańǵystaý oblysy aýyl sharýashylyǵy basqarmasynyń basshysy Serik Syrymuly málimdedi.
Jalpy, Mańǵystaýda 2020 jyly 5,2 mlrd. teńgeni quraıtyn 5 joba iske qosylmaq.
Quny 5,2 mlrd teńgeni quraıtyn joba bir jylda 143 mıllıon dana jumyrtqa shyǵarady dep josparlanýda. Fabrıka keler jyldyń aıaǵynda jumysyn bastaıdy dep boljanyp otyr.
Budan bólek, «Aqtaý Agro» JShS-nyń Túpqaraǵan aýdanynyń 43 km aımaǵynan 120 adamdy jumyspen qamtıtyn qus fabrıkasy ashylady dep josparlanýda. Quny 4 mlrd. teńgeni quraıtyn jobadan jylyna 5 myń tonna ónim alynbaq. Búgingi tańda qurylys jumystary aıaqtalyp, ıran, túrik, qytaı elinen ákelingen qural-jabdyqtaryn ornalastyrý jumystary júrgizilýde. 4 shaǵyn zaýyttan turatyn qus fabrıkasyna memleket tarapynan ınfroqurylym jasalǵan. Al, atalǵan qus fabrıkasyna Munaıly aýdanynan iske qosylatyn túıirshiktelgen qurama jem óndirý fabrıkasy ónim daıyndaıtyn bolady.
«2019 jyldyń qorytyndysy boıynsha aýyl, orman jáne balyq sharýashylyǵy sektorynda 20, 4 mlrd. teńgeniń ónimi óndirilip, salanyń naqty kólem ındeksiniń 105,6 paıyzyn qurady. Búgingi tańda oblysymyzda mal sharýashylyǵynda 1444 sharýa qojalyq jumys isteıdi. 2019 jyly 37 brıgada arqyly 55,0 myń tonna shóp daıyndalǵan. 2014 jyldan beri oblys boıynsha sharýa qojalyqtaryna 300 qudyq qazylǵan. Búginde iri-qara mal bas sany kóbeıip keledi. Oǵan dálel, oblysqa byltyr respýblıka qarjysynan bólingen 6 paıyzben berilgen 1 mlrd. 530 mln. teńge 100 paıyz ıgerilgen»,-dedi Mańǵystaý oblysy aýyl sharýashylyǵy basqarmasynyń basshysy Serik Qaldyǵul.
