Mańǵystaýda jylqyny atyp, urlap ketkender ustaldy

AQTAÝ. QazAqparat - «Beıneý-Shetpe» trassasynda toqtatylǵan Gaz-30232-244 markaly avtokóliginen urlanǵan jylqylar tabyldy, dep habarlaıdy QazAqparat tilshisi.

Mańǵystaý aýdany Polıtsııa bóliminiń qyzmetkerleri toqtatqan avtokólik júrgizýshisi eshqandaı qujattarsyz, baýyzdalǵan 3 bas jylqyny Aqtaý qalasyna alyp bara jatqan bolyp shyqty.

Teksere kele, atalǵan 3 bas jylqynyń ıesi Beıneý aýdany, Boranqul selosynyń turǵyny ekendigi anyqtaldy. Keıinnen belgili bolǵandaı, Boranqul selosynan 30 shaqyrym jerde belgisiz bireýler sharýanyń óriste júrgen 2 bıesin jáne 1 aıǵyryn myltyqpen atyp, sodan soń  3 bas jylqyny soıyp, avtokólikke tıep, urlap ketken.

«Keltirilgen shyǵyn somasy – 1 350 000 teńge. Bul derek boıynsha QR QK-niń 188-babynyń 2-bóligi 1-tarmaǵymen SDTBT-ne tirkelip, jan-jaqty tergep-tekserý jumystary júrgizilýde. Kúdikti ýaqytsha qamaý abaqtysynda»,-dep habarlady MO Polıtsııa departamentiniń baspasóz qyzmeti.