Mańǵystaýda jyl saıyn 1 myń adam jumyspen qamtylady

NUR-SULTAN. QazAqparat – Mańǵystaý oblysyna aýyzsý máselesi qalaı sheshilmek jáne halyqty eńbekpen qamtý barysy qalaı júrip jatyr. Atalǵan máselelerge qatysty Mańǵystaý oblysynyń ákimi Nurlan Noǵaev túsinik berdi, dep habarlaıdy QazAqparat tilshisi.

«Memleket basshysynyń tapsyrmasyna sáıkes Mańǵystaý oblysynyń 2021-2025 jyldarǵa arnalǵan damý jospary keshendi túrde júzege asyp jatyr. Josparǵa sáıkes 2 trln 200 mlrd teńgeniń is-sharasy josparlandy. Qarastyrylyp otyrǵan qarjynyń 65 paıyzy jumyspen qamtý, sosyn shaǵyn jáne orta kásipkerlikti damytýǵa baǵyttalady. Al kóktem kele jatyr. Bizdiń óńirge tán máseleniń biri aýyz sý tapshylyǵy. Sala mamandarynyń aıtýynsha, jyldyń naýryz-qyrkúıek aıy aralyǵynda táýligine 50 myń tekshe metr aýyzsý tapshylyǵy baıqalady. Osy oraıda mańǵystaýlyqtardy aýyzsýmen qamtamasyz etýdi «Astrahan-Mańǵystaý» sý qubyry arqyly jetildire túsý kózdelip otyr», - dedi Nurlan Noǵaev Mańǵystaý oblystyq qoǵamdyq kommýnıkatsııa ortalyǵynda onlaın ótken baspasóz máslıhatynda.

Sondaı-aq, oblysy basshysy aımaqtaǵy jumyssyzdyq máselesin kóterdi.

«Óńirdegi jumyssyzdyq máselesin joıý maqsatynda qazirgi ýaqytta «Men jumys isteımin», «Jastar praktıkasy» jáne taǵy sol sııaqty baǵdarlamalar júzege asyp jatyr. Atalǵan baǵdarlamalar aıasynda jyl saıyn myńdaǵan adamdar jumysqa ornalasyp jatyr. Bul shara odan ári óz jalǵasyn tabady», - deıdi ol.