Mańǵystaýda jumysshy 5-qabattan qulap ketti
ASTANA. QazAqparat - Mańǵystaýda taǵy bir jumysshy óndiriste zardap shekti, dep habarlaıdy QazAqparat tilshisi.
Málimetke saı, joǵary qabattan qulap ketken jumysshy birden Mańǵystaý oblystyq aýrýxanasyna jetkizilgen.
Oqys oqıǵa Qaraqııa aýdany Quryq aýylynda ornalasqan "Ersaı" kompanııasynyń óndiris aımaǵynda bolǵan. «DSL Caspian» JShS-niń qyzmetkeri 5-qabattan qulap ketti.
MO ІІD baspasóz qyzmetiniń xabarlaýynsha, atalǵan fakti boıynsha QR Qylmystyq kodeksi 156-babynyń 1-bóligi boıynsha (Eńbekti qorǵaý) is qozǵalyp, Qaraqııa aýdanynyń sotqa deıingi biryńǵaı tizilimine engizilgen.
Aıta keteıik, oqys oqıǵa 27 mamyrda bolǵan. Zardap shegýshi qazir oblystyq aýrýxanada em alýda. Jaǵdaıy aýyr. Naýqasqa ota jasalǵan.
