Mańǵystaýda jumysqa ornalastyramyn dep turǵyndardan 9 mln teńge alǵan áıel ustaldy

AQTAÝ. QazAqparat-Mańǵystaýlyqtar jeńildetilgen kredıt alýǵa jáne jumysqa ornalasýǵa kómektesemin dep aldap ketken áıeldiń ústinen polıtsııaǵa aryzdandy. Bul týraly QazAqparat tilshisi oblystyq Polıtsııa departamentine silteme jasap habarlaıdy.

Jábirlenýshilerge kelgen shyǵynnyń jalpy kólemi 9 272 000 teńgeni quraǵan.

«Krımınaldyq polıtsııa qyzmetkerleri shaǵymdarǵa qatysty 31 jastaǵy kúdiktini ustady. Atalǵan derek QR Qylmystyq kodeksiniń 190-baby (alaıaqtyq) boıynsha tirkeldi» delingen baspasóz málimetinde.

Mańǵystaýlyq polıtseıler oblys turǵyndary men qonaqtarynan senimsiz esepshottarǵa aqsha aýdarmaýlary kerektigin eskertedi. Sondaı-aq alaıaqtyq qylmystyń kýási bolsa, jaqyn mańda ornalasqan polıtsııa bólimshesine nemese 102 pýltine habarlasýyn suraıdy.