Mańǵystaýda júk kóligi órtenip, bir adam kóz jumdy
AQTAÝ. QazAqparat - Mańǵystaý oblysy Túpqaraǵan aýdany mańynda bolǵan jol apatynan 1 adam kóz jumdy, dep xabarlaıdy QazAqparat.
29 sáýir kúni saǵat 21.30-dar shamasynda Fort-Shevchenko - Aqtaý baǵytyndaǵy tas jolda Toyota Kamrı men júk kóligi soqtyǵysqan.
Mańǵystaý oblysy ІІD baspasóz qyzmetiniń málimetine qaraǵanda, Toyota Kamrı kóliginiń júrgizýshisi oqıǵa ornynda kóz jumǵan. Al, Gazel júrgizýshisi aýyr jaǵdaıda Túpqaraǵan aýdanynyń aýrýxanasyna jetkizilgen.
«Kólik apatyna baılanysty qylmystyq is qozǵalyp, tergeý amaldary bastaldy»-deıdi MO ІІD memlekettik til jáne aqparat bóliminiń basshysynyń m.a Aıgerim Ibatýllaeva.
Aldyn-ala boljam boıynsha, Toyota qarsy baǵytqa shyǵyp, júk kóligine soqtyǵysqan. Gazel sol jerde órtengen.
