Mańǵystaýda JRVI juqtyrǵan naýqastar sany artty

AQTAÝ.QazAqparat – Mańǵystaýda JRVI juqtyrǵan naýqastar sany artty. Bul týraly Mańǵystaý oblystyq sanıtarııalyq-epıdemıologııalyq baqylaý departamenti asa qaýipti ınfektsııalardy jáne týberkýlezdi qadaǵalaý bóliminiń bas mamany Madına Rahmetova málim etti, dep habarlaıdy QazAqparat tilshisi.

Búgingi kúnge deıin zerthana arqyly dáleldengen 97 jaǵdaıy tirkelgen.

Onyń ishinde 86 eresek adam, 11-i 14 jasqa deıingi bala. 86 eresek adamnyń ishindegi 55-i júkti áıelder.

«Ótken 2021-2022 jyldyń epıdemıologııalyq maýsymynyń osy kezeńinde jedel respıratorly vırýsty ınfektsııanyń 69 793 jaǵdaıy tirkelip, kórsetkishi – 9220,81 quraǵan bolatyn. Salystyrmaly túrde aýrýdyń deńgeıi -1,2 esege joǵarylap otyr»,- deıdi Madına Rahmetova.

Sondaı-aq oblysta ambýlatorlyq jáne statsıonarlyq deńgeıde 25 adam koronavırýs ınfektsııasyn juqtyrǵan.

«Turǵyndarǵa ınfektsııalyq - 7, statsıonarda 108 tósek oryn qyzmet atqarýda. Statsıonarlarda naýqastar sany 1 qańtarda 9 adam bolsa, búgingi kúni 6 adamǵa, ıaǵnı 1,5 esege tómendedi. Tósek-oryn tolymdylyǵy - 5,5%. Reanımatsııalyq tósek sany - 22, emdelip jatqan adam joq», - deıdi Mańǵystaý oblysy densaýlyq saqtaý basqarmasy basshysynyń orynbasary Bıbizada Dúısenbaeva.