Mańǵystaýda joldaǵy kóktaıǵaqtan birneshe kólik apaty boldy

AQTAÝ. QazAqparat - Mańǵystaýda aýa raıynyń qolaısyzdyǵyna baılanysty respýblıkalyq mańyzy bar tas joldarda birneshe kólik apaty boldy, dep habarlaıdy QazAqparat tilshisi.

Mańǵystaý oblysy polıtsııa departamentiniń baspasóz qyzmetiniń málimetinshe, jol-kólik oqıǵalarynyń kóbi tirkelmegen. Sebebi júrgizýshiler polıtsııaǵa nemese medıtsınalyq mekemelerge júginbegen.

Degenmen, departament «Aqtaý-Jańaózen» tas jolynda «KamAZ» markaly kóliktiń júrgizýshisi kóktaıǵaq saldarynan rólge ıe bola almaı aýdarylyp qalǵanyn jetkizdi. Kólik júrgizýshisi polıtsııaǵa nemese medıtsınalyq mekemelerge júginbegen.

Sondaı-aq, «Aqtaý-Aqshuqyr» tas jolynda kóktaıǵaqtan Toyota Hilux markaly avtokólik joldan shyǵyp ketken. Kólikti patrýldik polıtsııa batalonynyń ekıpajy baıqap qalyp, kómekke barǵan. Júrgizýshi zardap shekpegen.

Degenmen mańǵystaýlyqtar áleýmettik jelide aımaqtaǵy trassalarda jol apaty beınelengen beınerolıkterdi jarııalady.

Aıta keteıik, buǵan deıin Mańǵystaý oblysy boıynsha Tótenshe jaǵdaılar departamenti aýa raıynyń qolaısyzdyǵy saldarynan jolda kóktaıǵaq bolýy múmkin ekenin eskertken.