Mańǵystaýda jolaýshylar avtobýsy apatqa ushyrap, 5 adam jaraqattandy

BASQUDYQ. QazAqparat - 3 maýsym kúni Mańǵystaý oblysynyń Basqudyq aýylynda jol-kólik oqıǵasy oryn aldy. Apat saldarynan zardap shekken bes adam Mańǵystaý oblystyq aýrýhanasyna jetkizildi. Bul jaıly oblystyq densaýlyq saqtaý basqarmasynyń baspasóz qyzmeti málim etti, dep habarlaıdy «QazAqparat» HAA lada.kz-ke silteme jasap.

Mańǵystaý oblysy polıtsııa departamenti baspasóz qyzmetiniń málimetinshe jol-kólik oqıǵasy jolaýshylar avtobýsynyń izimen kele jatqan «Toyota Fortuner» avtokóligi júrgizýshisiniń kinásinen bolǵan. Júrgizýshisi qashyqtyqty saqtamaǵan.

«Júrgizýshige qatysty QR ákimshilik quqyq buzýshylyq kodeksiniń 610 baby boıynsha ákimshilik hattama toltyryldy. Materıal sheshim qabyldaý úshin ákimshilik sotqa beriletin bolady», - dep habarlady oblystyq polıtsııa departamentiniń baspasóz qyzmeti.

Densaýlyq saqtaý basqarmasy baspasóz qyzmetiniń habarlaýynsha, zardap shekken bes adam jeńil jaraqat alǵan. Medıtsınalyq kómek kórsetilgennen keıin olar úılerine jiberildi.