Mańǵystaýda jol-kólik oqıǵasynan 3 adam qaza tapty

AQTAÝ. QazAqparat - Munaıly aýdanynda oryn alǵan jol-kólik oqıǵasynan eki kóliktiń júrgizýshisi men jolaýshy oqıǵa ornynda kóz jumdy, dep habarlaıdy QazAqparat tilshisi.

Mańǵystaý oblystyq Іshki ister departamenti baspasóz qyzmetiniń málimetinshe, oqıǵa Munaıly aýdany Qyzyltóbe aýylynda 27 shilde kúni saǵat 16:30 shamasynda bolǵan.

«Volkswagen Passat avtokóliginiń júrgizýshisi Aqtaý qalasyna qaraı bara jatyp, qarsy jolaqqa shyǵyp, Volkswagen Passat avtokóligine jol bermeı, soqtyǵysty. Kólikterdiń júrgizýshisi men bir jolaýshy oqıǵa ornynda kóz jumdy.

Atalǵan fakti boıynsha Qazaqstan Respýblıkasy Qylmystyq kodeksiniń 345-baby 4-bóligi boıynsha sotqa deıingi tergeý bastaldy»,- delingen málimette.

Aıta keteıik, kólik júrgizýshileriniń janjalynan bolǵan kisi ólimi oqıǵasy da osy Munaıly aýdanynda oryn alyp edi.