Mańǵystaýda jol boıynda janjaldasqan kólik júrgizýshisiniń biri ekinshisin uryp óltirgen
Oblystyq Іshki ister departamenti baspasóz qyzmetiniń málimetinshe, 35 jasar kúdikti 67 jasar er adamdy dene jaraqatymen jol jıegine tastap ketken.
«Aldyn ala boljam boıynsha, eki júrgizýshi bir-birine jol bermeı, aralarynda janjal týyndaǵan. Qylmystyq iske kúdikti emotsııaǵa boı aldyryp, kólikten shyǵyp, 67 jastaǵy júrgizýshini uryp-soqqan. Alǵan jaraqattarynan keıin jábirlenýshi sol jerde qaıtys boldy. Osyǵan baılanysty Qylmystyq kodekstiń 99-baby 2-bóligi boıynsha sotqa deıingi tergeý bastaldy», - delingen baspasóz qyzmetiniń málimetinde.
Tergeý sotynyń sanktsııasymen kúdiktige qatysty eki aı merzimge kúzetpen ustaý túrindegi bultartpaý sharasy tańdalǵan. Tergeý amaldary jalǵasyp jatyr.
Aıta keteıik, oqıǵa 22 shilde saǵat 20:15 shamasynda Munaıly aýdanynyń Jańa Dáýlet kentinde oryn alǵan.
Quqyq qorǵaý organdarynyń ókilderi kólik júrgizýshilerin jolda týyndaıtyn keleńsiz jaǵdaılarda emotsııaǵa berilmeýge shaqyrady.