Mańǵystaýda jol apatynan úsh adam mert boldy

AQTAÝ. QazAqparat - Mańǵystaýdaǵy «Shetpe-Jetibaı» respýblıkalyq mańyzy bar tasjolynyń boıynda aýyr júk kóligi men jeńil avtokólik soqtyǵysyp, jeńil kóliktegi úsh adam kóz jumdy, dep habarlaıdy QazAqparat tilshisi.

Oqıǵa 2 qyrkúıekte saǵat 20:00 shamasynda Shetpe-Jetibaı tas jolynyń 112/117 shaqyrymynda bolǵan.

«Shetpe aýylyna qaraı bara jatqan «Vaz 2115» avtokóligi joldyń qarsy qozǵalys jolaǵyna shyǵyp, «Man» markaly júk kóligimen soqtyǵysqan. Saldarynan «Vaz 2115» kóliginiń

júrgizýshisi men eki jolaýshysy oqıǵa ornynda kóz jumdy», - dep habarlady Mańǵystaý oblystyq Polıtsııa basqarmasynyń baspasóz qyzmeti.

Atalǵan derek QR Qylmystyq kodeksiniń 345-baby boıynsha SDTBT-de tirkeldi. Tergeý amaldaryn júrgizý bastaldy.

Foto: instagram.com/112_aktau