Mańǵystaýda jol apatynan bir adam mert bolyp, 6 adam zardap shekti

AQTAÝ.QazAqparat – Mańǵystaýda jol-kólik oqıǵasy oryn alyp, bir adam qaıtys boldy. Al 6 adam zadap shekti, dep habarlaıdy QazAqparat tilshisi.

Oqıǵa 4 jeltoqsanda saǵat 19:50 shamasynda Aqtaý-Quryq tas jolynyń 71/6 shaqyrymynda oryn alǵan.

«Mercedes-Benz C220» avtokóliginiń júrgizýshisi joldyń qarsy betine shyǵyp ketip, «Toyota Camry» avtokóligine soǵylǵan.

Saldarynan «Mercedes-Benz» avtokóliginiń 28 jastaǵy júrgizýshisi alǵan jaraqattarynan oqıǵa ornynda qaıtys boldy» delingen Mańǵystaý oblystyq Polıtsııa departamentiniń baspasóz málimetinde.

Zardap shekken 6 jolaýshy Mańǵystaý oblystyq aýrýhanasyna jetkizilgen.

Atalǵan derek boıynsha sotqa deıingi tergeýdiń biryńǵaı tizimine tirkelip, QR Qylmystyq kodeksiniń 34 -babynyń 3-tarmaǵy boıynsha is qozǵaldy. Qazir jol apatyna qatysty tergeý jumystary júrgizilip jatyr. Ózge aqparat tergeý múddesine sáıkes ázirge jarııa etilmeıdi.