Mańǵystaýda jol apatynan 2 adam kóz jumdy
AQTAÝ. QazAqparat - Búgin Mańǵystaý oblysy Munaıly aýdanynda jantúrshigerlik jol apaty boldy. Saldarynan jeńil kólikte otyrǵan 3 adamnyń ekeýi kóz jumyp, taǵy bireýi aýyr halde jatyr, dep habarlaıdy QazAqparat.
Kólik apaty Aqtaý - Mańǵystaý baǵytyndaǵy tas jolda bolǵan. Gaz tasymaldaıtyn «MAZ» aýyr júk kóligimen qarsy baǵytta kele jatqan «Hıýndaı» jeńil kóligi soqtyǵysqan.
Qazir dárigerler úshinshi adamnyń ómirin saqtap qalý úshin baryn salýda. Onyń jaǵdaıy asa aýyr dep baǵalanýda.
Aldyn ala málimetterge qaraǵanda, asyǵystyq tanytyp, qarsy baǵytqa shyqqan jeńil kóliktiń júrgizýshisi óz jolyna túse almaı, aýyr kólikke soǵysqan.
Qazir polıtsııa oqıǵany tekserip jatyr.
