Mańǵystaýda jol apattarynan 83 adam kóz jumdy
AQTAÝ. QazAqparat - Mańǵystaý oblysynda jańajyldyq mereke kúnderi 12 jol-kólik apaty bolyp, saldarynan 26 adam zardap shekti. Bul týraly Jol patrýldik polıtsııasy qyzmetin uıymdastyrý bóliminiń basshysy Birjan Jumabaev Óńirlik kommýnıkatsııalar qyzmetinde ótken brıfıngte málim etti, dep xabarlaıdy QazAqparat tilshisi.
«30 jeltoqsan men 2 qańtar aralyǵynda 12 jol-kólik oqıǵasy boldy. Zardap shekkender sany 26 bolǵanymen, qaıtys bolǵandar tirkelgen joq», - dedi Birjan Jumabaev.
Jalpy 2018 jyly aımaqta 320 jol apaty oryn alǵan. 83 adam qaıtys bolyp, 404 adam jaraqat alǵan. 2017 jylmen salystyrǵanda kólik apattarynyń sany azaıdy (328 oqıǵa boldy).
