Mańǵystaýda joǵalyp ketken eki turǵyn aman-esen tabyldy
Mańǵystaý oblysy tótenshe jaǵdaılar departamenti basshysynyń orynbasary Bekbolat Ábdiqadyrovtyń habarlaýynsha, 2020 jyldyń 27 jeltoqsan kúni saǵat 19:43 shamasynda Mańǵystaý oblysy tótenshe jaǵdaılar departamentine 1983 jáne 1994 jylǵy oblys turǵyndarynyń habar-osharsyz joǵalyp ketkendigi týraly habarlama kelip túsken. Іzdestirý jumystarynyń nátıjesinde, atalǵan azamattar 28 jeltoqsan kúni tabyldy. Aıta keteıik, olarǵa alǵashqy medıtsınalyq kómek qajet bolmady.
«Eki azamat Mańǵystaý oblysy Qaraqııa aýdany Beket-ata qorymynan 30 shaqyrym jerde Tólep aýylynan «KRAZ» avtokóligimen shyqqan. Olardy izdestirýge Jańaózen qalasynyń tótenshe jaǵdaılar bóliminiń qyzmetkerleri, týystary, «OılGaz» JShS mamandary, Senek jáne Qulandy aýylynyń ýchaskelik polıtsııa qyzmetkerleri jumyldyryldy», - dedi ol.
