Mańǵystaýda jel elektr stantsııasy salyna bastady
AQTAÝ. QazAqparat - Mańǵystaý oblysy Túpqaraǵan aýdanyndaǵy Fort-Shevchenko qalasynyń mańynda salynatyn jel elektr stantsııasynyń alǵashqy kirpishi qalandy, dep habarlaıdy QazAqparat óńir basshysynyń baspasóz qyzmetine silteme jasap.
Aǵymdaǵy jyldyń shildesinde Mańǵystaý oblysynyń ákimi Eraly Toǵjanov, «South Wind Power» JShS bas dırektory S.Partsıkıan jáne «Horgos Jiuhe SilkBridge New Energy Co.,Ltd kompanııasynyń basshysy Huang Cheng arasynda jel elektr stantsııasy jobasyn iske asyrý boıynsha yntymaqtastyq týraly memorandýmǵa qol qoıylǵan bolatyn.
Jel elektr stantsııasynyń qýaty - 42 Mvt. 375 gektar jerdi alyp jatqan joba Túpqaraǵan aýdanynda salynady. Investorlar qýaty 2,5 kVt quraıtyn 17 jel generatoryn ornatyp, qurylys kezeńinde 70 adamdy jumyspen qamtýdy josparlap otyr.
Jel týrbınalary úshin jabdyqtaryn, tasymaldaýshy zymyran jabdyqtary men shyǵys materıaldaryn qosa alǵanda ınvestıtsııanyń jalpy somasy 50 290 700 AQSh dollaryn quraıdy.
Jel elektr stantsııasynyń qurylysy «jasyl ekonomıkaǵa» kóshý, ekologııalyq taza ınvestıtsııalyq tehnologııalardy eńgizý máselelerin qamtıdy. Sondaı-aq, bul joba óńirdiń elektr energııasyna degen qajettiligin óteýge kómektesedi. Jobanyń aıaqtalýy 2019 jyldyń mamyr aıyna josparlanyp otyr.
Qazirgi ýaqytta joba jańartylatyn energııa kózderin paıdalaný obektilerin ornalastyrý josparyna engizildi. Esep aıyrysý jáne qarjy ortalyǵy satyp alý týraly shartqa qol qoıǵan.
