Mańǵystaýda jedel járdem qyzmetiniń basshysy paramen ustaldy

AQTAÝ. QazAqparat - «Mańǵystaý oblystyq jedel jáne shuǵyl medıtsınalyq járdem stantsııasy» ShJQ MKK basshysynyń m.a. 200 myń teńge kóleminde para alý kezinde ustaldy, dep habarlaıdy QazAqparat tilshisi.

QR Sybaılas jemqorlyqqa qarsy is-qımyl agenttiginiń MO boıynsha departamentiniń habarlaýynsha, ol bir azamattan feldsher bolyp jumysqa ornalastyrý úshin qomaqty mólsherde para aldy dep kúdiktelýde.

Sotqa deıingi tergeýler jalǵasýda. Kúdiktilerdiń kinásiniń dárejesi boıynsha túpkilikti sheshimdi sot shyǵarady.

«Eltaev R.S. ózi otyratyn ǵımaratta paramen ustaldy. Oǵan qatysty QR Qylmystyq kodeksiniń 366-baby, 2-bóligimen is qozǵalǵan. Atalǵan baptyń 2-bóliginde 3 jyldan 7 jylǵa deıin bas botsandyǵynan aıyrý ne alynǵan paranyń 60 ne 70 eselengen kóleminde aıyppul salynýy múmkin. Ol óziniń kinásin moıyndady»,-deıdi QR Sybaılas jemqorlyqqa qarsy is-qımyl agenttigi MO boıynsha departamentiniń asa mańyzdy isterdi tergeýshisi Áset Іzbasar.