Mańǵystaýda jedel járdem avtoparki jańa 20 kólikpen tolyqty

AQTAÝ. QazAqparat - Mańǵystaýda jedel járdem avtoparki jańa 20 kólikpen tolyqty, dep habarlaıdy QazAqparat tilshisi oblys ákiminiń baspasóz qyzmetine silteme jasap.

Mańǵystaý oblystyq jedel jáne shuǵyl medıtsınalyq járdem stansasy 52 jańa sanıtarlyq avtokólikpen tolyǵady. Búgin oblys ákimi Serikbaı Trumov jedel járdem qyzmetine «Hundai 350» markaly 20 mamandandyrylǵan mashınanyń kiltin tabystady.

«Jańa qyzmettik kóliktiń 13 – i Aqtaý qalasyna, 5-i Munaıly aýdanyna jáne ekeýi san-avıatsııa qyzmetine attanady. Q azan aıynyń sońyna deıin taǵy «Jac Sunray» markaly 32 jedel járdem kóligi keledi. Bul kólikterdiń barlyǵy lızıng arqyly satyp alynyp jatyr. Qarasha aıynda Mańǵystaýǵa taǵy eki «ÝAZ Patriot» markaly reanımobıl avtokóligi kelmek. Osylaısha, óńirdiń jedel járdem avtoparki 100 paıyz kólikpen qamtamasyz etiledi», delingen baspasóz habarlamasynda.