Mańǵystaýda jazasyn ótep shyqqandarǵa jeńildik jasalady

Qazir oblystaǵy qatań rejımdegi túzetý mekemesinde shyǵýyna 1 jyl qalǵan sottalýshylar bar. Olardy probatsııa qyzmetiniń mamandary esepke aldy. 13 jyl 4 aıyn tar qapasta ótkizgen Aımurat Kamalov ótkenine nazaly. Ol qylmystyq kodekstiń 96 baby (2-bóligi) boıynsha, ıaǵnı adam óltirgeni úshin sottalǵan. Qazir 32 jasta. Jastyq shaǵyn temir torda qaldyrǵan Aımurat elektrık mamandyǵy boıynsha kolonııada bilim alypty. Búginde jazasyn óteýshiniń sońǵy bir aıy qaldy. Ata-ana, aǵaıyn-baýyrmen qaýyshatyn sátti asyǵa kútip júrgen ol, jańa ómir bastaıtynyn aıtty.

«Bostandyqqa shyǵyp, januıama, ata-anama, baýyrlaryma tezirek jetip, qaıtyp kelmeýge tyrysamyn. Ókinemin. Jastyq shaǵym ótti, ketti. Keterde dıplomymdy alam dep oılaımyn. Jumys jasap, otbasyma kómekteskim keledi. Qýanyp turmyn. Endi kásiptik bilimdi bostandyqqa shyqqan soń jalǵastyramyn»,-deıdi Aımurat Kamalov.

Bıyl 8 jazasyn óteýshi bostandyqqa shyqpaq. Olardy probatsııa mamandary esepke alyp, qandaı áleýmettik kómek kórsetiletinin túsindirip berdi.

Qylmystyq atqarý júıesi departamentiniń Munaıly aýdandyq probatsııa bóliminiń bastyǵy Oralbek Isataevtyń aıtýynsha, negizgi maqsat - qylmyskerlerdiń sanyn azaıtý. Syrtqa shyqqannan keıin, qoǵamǵa beıimdelip, sińisip ketýin qadaǵalaý. Sondyqtan osyndaı áleýmettik kómek kórsetý qolǵa alynǵan. Qazir 2 mekeme: «Eńbek Aqtaý» jáne oblystaǵy jumyspen qamtý ortalyǵymen kelisim bar. Osy ýaqytqa deıin 5 sottalýshy jumyspen qamtylypty.

«Búginde túzetý mekemesinde 500-den astam adam jazasyn ótep júr. Onyń 80%-y jergilikti adamdar, qalǵany Almaty, Atyraý, Aqtóbeden kelgender. Olardyń árqaısysyna bilim alýǵa múmkindik jasaldy. Sottalǵanǵa deıin orta bilimin tolyq aıaqtamaǵan ne oqymaǵan azamattar bolsa, solarǵa bilim basqarmasynan, mektepten muǵalimderi kelip, barlyq pánde sabaq ótedi. 11-synypty aıaqtatyp, attestat beredi. Odan bólek kásibı kolledj bar, 4-5 mamandyq boıynsha, ıańnı dánekerleýshi, tokar, tiginshi, naýbaıhanashy, kranshy»,-deıdi MO boıynsha QAJ komıtetiniń GM-172/6 mekemesiniń bastyǵy Ramazan Baqyt.

Kolonııadaǵy 250 jazasyn óteýshi tirshilik yrǵaǵyna ilesip, qoldaryna qural-jabdyq ustaǵan. Oqyǵan mamandyǵy boıynsha óndiristik aımaqta eńbek etedi. Jumysy úshin jalaqy da alady. Biri, tigin tsehynda kıimder pishse, biri úı jıhazdaryn jasaıdy. Keıbir sottalǵandardyń qolynan túrli aǵash buıymdary shyqqan.

Qazir GM - 172/6 mekemesi - qaýipsizdigi joǵary kolonııa bolyp esepteledi. Munda jazasyn óteýshilerdiń 90%-y aýyr ne asa aýyr qylmys jasaǵandar. Erteń olar bostandyqqa shyqqanda qoǵamǵa beıimdelip ketýi tıis. Tapqan tabysyn esepshotynan alýyna bolady. ıAǵnı, qylmys álemine qaıta burylmaýyna áser etedi»,-deıdi mamanda