Mańǵystaýda jastar jylynda 100 shara ótedi
Bıyl óńirde 2 iri halyqaralyq shara uıymdastyrylmaq. Birinshisi, tamyz aıynda Aqtaý sammıtiniń 1 jyldyǵy aıasynda Mańǵystaýǵa shekaralas memleket jastarynyń «Jastar dostyǵy - 2019» forýmy. Ekinshisi, halyqaralyq aýqymdy shara - Jastar marafony.
«Eń úlken shara osy qańtar aıyna josparlanǵan. Aıdyń aıaǵynda Astana qalasynda jastar forýmy resmı ashylady. Odan keıin óńirde delegattardyń qatysýymen ótkizemiz. Jastar jylynda ne isteımiz, qandaı josparlarymyz bar sol sharada talqylanady»,- deıdi MO Jastar saıasaty basqarmasynyń basshysy Baýyrjan Tuıaqov.
Sondaı-aq, maýsym aıynda «Rýhanı jańǵyrý» baǵdarlamasy jáne «Uly dalanyń 7 qyry» maqalasy aıasynda «Óz tarıhyńdy tanyp bil» atty jastardyń respýblıkalyq ekspedıtsııasy men «Týǵan jer upgrade» Sherqala, Aıraqty taýy eteginde ótetin kóshpeli jastar kezdesý-trenıngi josparlanýda. Sharaǵa respýblıka boıynsha «100 jańa esimge» engen, jetistikke jetken tulǵalar shaqyrylady. Jas blogerlerdiń medıa-týry qyrkúıek aıyna josparlanǵan sharaǵa áleýmettik jelide tanymal jastar, vaınerler qatystyrylmaq.
Aıta ketsek, búgingi tańda oblysta 14 pen 29 jas aralyǵynda 145 657 adam bar, bul jalpy oblys turǵyndarynyń 22,1% paıyzyn quraıdy. Qalalarda - 70 174, aýyldyq jerlerde 75 483 jas turady.
Eske salsaq, Elbasy halyqqa arnaǵan sońǵy Joldaýynda 2019 jyldy Jastar jyly dep jarııalaýdy usynǵan bolatyn. Óz sózinde Memleket basshysy jastar men otbasy ınstıtýtyn qoldaý sharalary memlekettik saıasattyń basymdyǵyna aınalý qajettigin jetkizdi.
«Jastardyń barlyq sanatyn qoldaýǵa arnalǵan sharalardy tolyq qamtıtyn áleýmettik satynyń aýqymdy platformasyn qalyptastyrý kerek. 2019 jyldy «Jastar jyly» dep jarııalaýdy usynamyn», - dedi Nursultan Nazarbaev.
Osydan keıin Elbasynyń Jarlyǵymen 2019 jyl Jastar jyly dep jarııalandy.
