Mańǵystaýda jas kásipkerler qaýymdastyǵy qurylady
ASTANA. QazAqparat - Mańǵystaý oblysynyń ákimi Eraly Toǵjanov mańǵystaýlyq jas kásipkerlermen kezdesti. Kezdesýge kelgen 26 kásipker óńir basshysymen ashyq suhbat júrgizip, óz oılaryn ortaǵa saldy, dep habarlaıdy óńirlik ákimdiktiń baspasóz qyzmeti.
Mańǵystaýda jas kásipkerlerdi qoldaý ári jumystaryn damytý maqsatynda Óńirlik kásipkerler palatasy tarapynan birqatar is-sharalar atqarylyp jatyr. 2018 jyly 13 jas kásipker jalpy somasy 6 mln 600 myń teńgeni quraıtyn 4 paıyzdyq nesıe alyp, isin órkendetken. Al, 6% nesıemen aýyl sharýashylyǵyn damytý jobalary úshin 52 jas iskerge 220 mln 438 myń teńge kóleminde qarajat bólindi. Osy baǵytta jas kásipkerler mal sharýashylyǵy men jylyjaı baptaýǵa eleýli úles qosyp jatyr.
«Eń bastysy, kásippen aınalysamyn degenderge múmkindikter óte kóp ekenin aıtqym keledi. Biz jastardyń bıznes ıdeıalary men start-ap jobalaryn iske asyrýǵa jan-jaqty qoldaý kórsetýge daıynbyz. Ol úshin barlyq múmkindikter bar. Jańa ǵana aıtyp ótken «Nur kapıtal», shaǵyn nesıeler, munyń barlyǵy eń áýeli jastar úshin! Búgingi tańda «Nur Kapıtal» óńirlik baǵdarlamasy boıynsha 1847 jańa jumys ornyn qurýmen 3,4 mlrd. teńge somasyna 193 joba maquldandy. Onyń ishinde naqty 42 joba iske qosylyp, nátıjesinde 390 jańa jumys orny quryldy. (jalpy kredıt sommasy 818,9 mln. teńge.) Joǵaryda atap ótken 193 jobany usynǵan azamattardyń ishinde 30-ǵa jýyǵy jastar. Jas kásipkerlerdiń qaýymdastyǵyn qurý bastamasy óte oryndy dep esepteımin. Sebebi, mundaı qaýymdastyq barlyq bıznes ıdeıalardyń júzege asýyna tikeleı túrtki bolady. Jastar jyly aıasynda jas kásipkerler forýmyn uıymdastyrýdy tapsyramyn. Ol jaı forým emes, jastardyń bıznestegi jolyn ashyp, baǵdar beretin nátıjeli shara bolýy tıis. Aqtaý qalasynda «jas kásipkerler alleıasyn» ashý bastamasyn qoldaımyn», - dedi Eraly Toǵjanov.
Kezdesý barysynda óńir basshysy jas kásipkerlerdiń oı-usynystaryn tyńdap, suraqtaryna jaýap berdi.
Jalǵas Dáýletov óz kásibin qalaı bastaǵanyn jáne qazir qandaı deńgeıge jetkenin jetkizdi. Sonymen qatar, 40-qa jýyq kásipker múshe óńirlik kásipkerler klýby týraly áńgimelep berdi. Klýbtyń basty maqsaty - kásipkerlikti damytý jáne kásipkerlerdiń jeke dara qalyptasýyna jol ashý, tájirıbe almasý jáne kommýnıkatsııalar almasý alańyn qalyptastyrý dedi.
«ACS» JShS kommertsııalyq dırektory Súgirbaı Aıat - Kompanııa 2005 jyldan beri oblysta qurylys salasymen aınalysyp jatqany jaıynda jáne búginde 27 adamdy turaqty jumyspen qamtamasyz etip otyrǵanyn aıtty.
Kım Alena ıÝrevna- «Childrens club» balalardy damytý ortalyǵynyń dırektory. Ol - Aqtaý men Jańaózen qalalarynda ortalyqtaryn ashyp, qazir 600-den astam balanyń bilimin damytýǵa, shyǵarmashylyǵyn shyńdap, mektepke daıarlaýǵa at salysýda.
2016 jyly ashylǵan kásiptiń arqasynda 25 adamdy jumyspen qamtasyz etip keledi. Qaıyrymdylyq retinde aıyna 5 múgedek balany damytýǵa qoldaý kórsetedi.
Iskakov Baýyrjan- «UniTrade Aktau» JShS dırektory. Munaıly aýdanynyń Basqudyq aýylynda dıstrıbıýtorlyq qyzmet pen turmystyq hımııalyq ónimder óndirý kásibimen aınalysady. 2017 jyly qurylǵan bıznestiń kómegimen 18 adamǵa turaqty jumys kózin usynyp otyr. Olar aıyna 3 tonna hımııalyq taýarlardy satylymǵa shyǵarýda. «Bıznestiń jol kartasy» baaǵdarlamasymen 40 mln tg nesıe alyp, isin órkendetip otyrǵanyn jetkizdi.
Sondaı-aq, Mádına Saqtaǵanova jas dızaınerlerdi daıyndaý boıynsha jumystar týraly sóz qozǵasa, jol boıyndaǵy qyzmet kórsetý ortalyǵynyń dırektory Ádilet Sarmýrzın «Nur-Kapıtal» baǵdarlamasy arqyly óz kásibin júrgizip jatqanyn atap ótti. Kezdesý kezinde jas kásipkerler alleıasyn qurý týraly usynys qoldaý tapty.
