Mańǵystaýda jarty jylda 10 myńnan astam kólik zańdastyrylǵan
2022 jyldyń 1 qyrkúıegine deıin elge ákelingen sheteldik avtokólikterdi zańdastyrý 1 shildede aıaqtalady. Rásimdeý bastalǵaly 6 aı ishinde Mańǵystaý oblysynda 10 myńnan astam kólik memlekettik nómir alǵan.
Aıta ketsek, 1 shildeden bastap zańdastyrýǵa ótinimderdi qabyldaý toqtatylady. Biraq ótinim berip úlgergen azamattardyń avtokólikteri talaptarǵa saı keletin bolsa, kórsetilgen merzimnen keıin zańdastyra alady.
«Kólik quraldaryn rásimdeý ýaqyty 1 shildede aıaqtalady. Eń bastysy ótinim berip qoıý kerek. Ótinim bergen kólik ıeleri 1 shildeden keıin de kólikti rásimdeı alady. Óńirde kólikterdi rásimdeý boıynsha qazir saǵat keshki 19:00-ge deıin jumys istep jatyrmyz», - dedi Mańǵystaý oblystyq mamandandyrylǵan halyqqa qyzmet kórsetý bóiliminiń basshysy Juparbek Jarmenov.